தனியார் மில்லில் இரவு காவலாளியாக பணிபுரியும் ஏழை கூலித்தொழிலாளியின் மகளான வர்ஷா 10 மற்றும் 12ம் வகுப்பில் அதிக மதிப்பெண்கள் எடுத்துள்ளார். அந்த மாணவி மருத்துவப் படிப்பில் இடம் கிடைக்காததால், தனியார் தொண்டு நிறுவனம் உதவியுடன் பாராமெடிக்கல் படிப்பில் சேர்ந்தார். ‘கிரிட்டிகல் கேர் டெக்னாலஜி’ படிக்கும் போது அந்த மாணவி இரண்டு முறை நீட் தேர்வு எழுதினார். முதல் முறை 210 மதிப்பெண்களும், இரண்டாவது முறை 250 மதிப்பெண்களும் பெற்றுள்ளார். அரசு உதவி பெறும் பள்ளியில் படிக்கும் அரசுப் பள்ளி மாணவர்களுக்கு 7.5 சதவீத இடஒதுக்கீட்டில் மருத்துவப் படிப்புகளில் சேர மறுக்கப்பட்டதாக வர்ஷா உயர்நீதிமன்றத்தில் வழக்கு தொடர்ந்திருந்தார்.
இந்த வழக்கு நீதிபதி சுரேஷ்குமார் முன்பு விசாரணைக்கு வந்தது. அப்போது, அரசு வக்கீல் பி.முத்துக்குமார், கூடுதல் அரசு வக்கீல் ஸ்டாலின் அபிமன்யு ஆகியோர் ஆஜராகி, ‘‘அரசு உதவி பெறும் தனியார் பள்ளிகள் மருத்துவ படிப்பில் 7.5 சதவீத இடஒதுக்கீடு கோரிய வழக்குகளை சென்னை உயர்நீதிமன்றம் ஏற்கனவே தள்ளுபடி செய்துள்ளது. அதன்பின், “அரசு உதவி பெறும் பள்ளி மாணவர்களுக்கு இந்த இடஒதுக்கீடு வழங்கக்கோரி இரு நீதிபதிகள் கொண்ட அமர்வு ஏற்கனவே நிராகரித்துள்ள அதே நிவாரணத்தை மனுதாரரால் இப்போது கோர முடியாது” என்று கூறி வழக்கை தள்ளுபடி செய்தார்
மேலும், அரசு உதவி பெறும் பள்ளிகள் அரசு நிதியுதவி பெறுவதுடன், அங்கு படிக்கும் மாணவர்கள் வசதி படைத்த, பொருளாதாரத்தில் முன்னேறிய குடும்பங்களைச் சேர்ந்தவர்கள் இல்லை என்பதையும், அவர்களின் சமூக அந்தஸ்தையும் தமிழக அரசு கவனத்தில் கொள்ள வேண்டும். எனவே, அரசு உதவி பெறும் பள்ளிகளில் படிக்கும் மாணவர்களுக்கும், 7.5 சதவீத இடஒதுக்கீடு வழங்குவது குறித்து, தமிழக அரசு ஆய்வு செய்ய வேண்டும்,” என, பரிந்துரைத்தார்.