8 – ஆம் வகுப்பு – தமிழ் – பாடக்குறிப்பு – ஜுலை இரண்டாவது வாரம் (11.07.22 முதல் 15.07.22 வரை )
தலைப்பு : எழுத்துகளின் பிறப்பு
பாடத்தின் தன்மை :
- எழுத்துகளின் ஒலிப்பிறப்பு பற்றிய பல்வேறு செய்திகளை விளக்குவதால், மரக்கிளை வகையைச் சார்ந்தது.
கற்கும் முறை :
- எழுத்துகளின் பிறப்பு கருத்துகளைக் குழுவாகப் படித்து, அறிந்து மாணவர்கள், குழுவாகக் கற்றல்.
துணைக் கருவிகள்
- வரைபடம்
- மின்னட்டைகள்
- பொருத்தட்டை
பாட அறிமுகம் :
- அ, உ,க,ப ஆகிய எழுத்துகளை ஒலிக்கச் செய்து, அவை எதன் மூலம் ஒலிக்கின்றன? என்ற வினாவினை மாணாக்கர்களிடம் கேட்டு , அவ்விடைகளின் வழியே பாட அறிமுகம் செய்தல்.
வாசித்தல் :
- ஆசிரியர் வாசித்துக் காட்ட மாணாக்கர்கள் தனித் தனியே வாசித்தல் மேற்கொள்ளுதல்.
கற்றல் திறன்கள் :
- புதிய சொற்களை அடிக்கோடிடல்
- அகராதி கொண்டு பொருள் அறிந்து எழுதுதல்
- சான்றுகள் அறிதல்
மனவரைபடம் :
தொகுத்தல் :
உயிர் எழுத்துப் பிறப்பு:
- 12 – கழுத்தை இடமாகக் கொண்டு பிறக்கும்
- அ.ஆ – வாய் திறக்க, பிறக்கும்
- இ,ஈ,எ,ஏ,ஐ – நாக்கின் அடி ஓரம் மேல் வாய்ப்பல் பொருந்த, பிறக்கும்
- உ,ஊ,ஒ,ஓ,ஔ இதழ் குவிய பிறக்கும்
மெய்யெழுத்துப் பிறப்பு:
- வல்லினம் : மார்பு, மெல்லினம் : மூக்கு , இடையினம் : கழுத்து
சார்பெழுத்துப் பிறப்பு:
- ஆய்தம் : வாயைத் திறக்க, மற்ற சார்பெழுத்து தத்தம் முதலெழுத்துகள் தோன்றும் இடம்
வழங்குதல் :
- மனவரைபடக் கருத்துகளை குழுவினில் வழங்கி , ஒட்டு மொத்த தொகுத்தல் செய்தல்,
வலுவூட்டல் :
- மடிகணினி மூலம் இலக்கணச் சிறப்புகளைப் பாடலாகக் காட்டி, பாடத்தை வலுவூட்டுதல்,
மதிப்பீடு :
- மாணாக்கர் திறன் அறிய எளிமையான சில வினாக்கள் கேட்டல்,
வினாக்கள்:
- உயிர் எழுத்துகள் பிறக்கும் இடங்கள் யாவை?
- வல்லின மெய் பிறக்கும் இடம் யாது?
- மெல்லின மெய் பிறக்கும் இடம் யாது?
குறைதீர் கற்பித்தல் :
- மெல்ல அரும்பும் மாணாக்கர்களுக்குத் தமிழ் எழுத்துப் பிறப்புகளைப் பற்றிய கருத்துகளை மீண்டும் கற்பித்துத் தனியே பயிற்சி அளித்தல்,
எழுதுதல்
- சொல்வதை எழுதுதல், பாடநூல் மதிப்பீட்டு வினாக்கள் எழுதுதல்.
கற்றல் விளைவுகள் :
- தமிழ் எழுத்துப் பிறப்புகளைப் பற்றிய கருத்துகளை மாணவர்கள் அறிந்து கொண்டனர்.
தொடர்பணி :
- தமிழ் எழுத்துப் பிறப்புகளைப் பற்றிக் கட்டுரை எழுதிவரச் சொல்லல்,