சந்திப்பிழை அறிதல்
சந்திப்பிழை அறிதல்
சந்திப் பிழையை நீக்குதல்
வல்லின எழுத்துக்கள் ஆறு – க், ச், ட், த், ப் இவைகளில் க், ச், த், ப் ஆகிய எழுத்துகள் மிகவும் வலிமையானவை. ட்,ற – ஆகிய இரண்டு எழுத்துகளும் மொழிக்கு முதலில் வர இயலாதவை வல்லினம் என்று அழைக்கப்படும்.
வல்லினம் மிகும் இடங்களும் மிகா இடங்களும் வல்லினம் மிகும் இடங்கள்
- இரண்டாம் வேற்றுமை உருபிற்குப் பின் வல்லினம் மிகும் (ஐ)
குழந்தையை + கண்டேன்₌ குழந்தையைக் கண்டேன்
பொருளை + தேடு ₌ பொருளைத்தேடு
புலியை + கொன்றான் ₌ புலியைக் கொன்றான்
நூலை + படி ₌ நூலைப்படி
- நான்காம் வேற்றுமை உருபிற்குப் பின் வல்லினம் மிகும்.
வீட்டிற்கு + சென்றான் ₌ வீட்டிற்குச் சென்றான்
கல்லூரிக்கு + போனாள் ₌ கல்லூரிக்குப் போனாள்
- ஆறாம் வேற்றுமைத் தொகையில் வலி மிகும். ‘அது’ – மறைந்திருப்பது
தாமரை+ பூ ₌ தாமரைப்பூ
குதிரை + கால் ₌ குதிரைக்கால்
- ஏழாம் வேற்றுமைத் தொகையில் வலி மிகும்.
குடி + பிறந்தார் ₌ குடிப்பிறந்தார்
வழி + சென்றார் ₌ வழிச்சென்றார்
- வன்றொடர்க் குற்றியலுகரத்தின் பின் வல்லினம் வர மிகும் (வல்லெழுத்தை அடுத்து வந்த குற்றிலுகரம்)
பாக்கு + தூள் ₌ பாக்குத்தூள்
தச்சு + தொழில் ₌ தச்சுத்தொழில்
கேட்டு + கொடு ₌ கேட்டுக்கொடு
பத்து + பாட்டு ₌ பத்துப்பாட்டு
படிப்பு + செலவு ₌ படிப்புச்செலவு
பற்று + தொகை ₌ பற்றுத்தொகை
- மென்தொடர்க் குற்றியலுகரத்தின் பின் சில இடங்களில் வல்லினம் மிகும்.
இரும்பு + தூள் ₌ இரும்புத்தூள்
மருந்து + கடை ₌ மருந்துக்கடை
கன்று + குட்டி ₌ கன்றுக்குட்டி
- அ, இ, உ என்னும் சுட்டெழுத்துகளின் பின்னும் ‘எ’ என்னும் வினா எழுத்திற்குப் பின்னும் வலி மிகும்.
அ+ கடல் ₌ அக்கடல்
இ + பாடம் ₌ இப்பாடம்
உ + சிறுவன் ₌ உச்சிறுவன்
எ + தொழில் ₌ எத்தொழில்
- சுட்டு, வினாக்களின் திரிபுகளான அந்த, இந்த, எந்த என்னும் சொற்களின் பின் வல்லினம் மிகும்.
அந்த + கிணறு ₌ அந்தக்கிணறு
இந்த +தமிழ் ₌ இந்தத்தமிழ்
எந்த + செயல் ₌ எந்தச்செயல்
- அந்த, இந்த, அப்படி, இப்படி என்னும் சுட்டுச் சொற்களின் பின் வல்லினம் மிகும்.
அந்த + பையன் ₌ அந்தப்பையன்
இந்த + சிறுவன் ₌ இந்தச்சிறுவன்
அப்படி + செய் ₌ அப்படிச்செய்
இப்படி +பார் ₌ இப்படிப்பார்
- எந்த, எப்படி, எங்கு என்ற வினாச் சொற்களின் பின் வல்லினம் மிகும்.
எங்கு + பார்த்தாய் ₌ எங்குப்பார்த்தாய்?
எப்படி + சாதித்தாய் ₌ எப்படிச்சாதித்தாய்?
எந்த + செடி ₌ எந்தச்செடி?
- நிலைமொழி ஈற்றில் உயிரெழுத்து நிற்கää வருமொழி முதலில் வரும் வல்லினம் மிகுந்து ஒலிக்கும் (உயிரீற்றுச் சொற்களின் பின் வல்லினம் மிகும்)
நிலா+ சோறு ₌ நிலாச்சோறு
மழை+ காலம் ₌ மழைக்காலம்
பனி + துளி ₌ பனித்துளி
- இருபெயரொட்டுப் பண்புத்தொகையில் வல்லினம் மிகும்
சாரை + பாம்பு ₌ சாரைப்பாம்பு
மார்கழி + திங்கள் ₌ மார்கழித்திங்கள்
மல்லி +பூ ₌ மல்லிப்பூ
- பண்புத்தொகையில் வல்லினம் மிகும்
சதுரம் + பலகை ₌ சதுரப்பலகை
வட்டம் + பாறை ₌ வட்டப்பாறை
பச்சை + பட்டு ₌ பச்சைப்பட்டு
- அகர இகர ஈற்று வினையெச்சத்தின் பின் வல்லினம் மிகும்
தேட + சொன்னான் ₌ தேடச்சொன்னான்
வர + சொன்னான் ₌ வரச்சொன்னான்
ஓடி + பிடித்தான் ₌ ஓடிப்பிடித்தான்
- ஓரெழுத்து ஒரு மொழிக்குப் பின் வல்லினம் மிகும்
பூ +பறித்தான் ₌ பூப்பறித்தான்
கை + கரண்டி ₌ கைக்கரண்டி
தீ + பற்றியது ₌ தீப்பற்றியது
- ஆய், போய் என்னும் வினையெச்சத்தின் பின் வல்லினம் மிகும்
நன்றாய் + பேசினார்₌ நன்றாய்ப்பேசினார்
போய் + தேடு ₌ போய்த்தேடு
- இனி, தனி மற்று, மற்ற, மற்றை என்னும் சொற்களின் பின் வரும் வல்லினம் மிகும்
இனி + காணலாம் ₌ இனிக்காணலாம்
தனி + தமிழ் ₌ தனித்தமிழ்
மற்று + கண்டவை ₌ மற்றுக்கண்டவை
மற்ற+ பொருள்கள் ₌ மற்றப்பொருள்கள்
மற்றை + கூறுகள் ₌ மற்றைக் கூறுகள்
- என, ஆக என்னும் சொற்களுக்குப் பின் வரும் வல்லினம் மிகும்.
என + கூறினான் ₌ எனக்கூறினான்
ஆக + சொன்னான் ₌ ஆகச்சொன்னான்
- சால, தவ என்னும் உரிச்சொற்களின் பின் வரும் வல்லினம் மிகும்
சால + சிறந்தது ₌ சாலச்சிறந்தது
தவ + பெரிது ₌ தவப்பெரிது
- ஈறுகெட்ட எதிரிமறைப் பெயரெச்சத்தின் பின்வரும் வல்லினம் மிகும்
உண்ணா + சோறு ₌ உண்ணாச்சோறு
ஓடா + குதிரை ₌ ஓடாக்குதிரை
அழியா + புகழ் ₌ அழியாப்புகழ்
- தனிக்குறிலையடுத்து வரும் ஆ என்னும் நெடிலுக்குப் பின்வரும் வல்லினம் மிகும்
பலா + சுளை ₌ பலாச்சுளை
இரா + பகல் ₌ இராப்பகல்
கனா + காலம் ₌ கனாக்காலம்
- முற்றியலுகரச் சொற்களின் பின் வல்லினம் மிகும்
திரு + குறள் ₌ திருக்குறள்
பொது + சொத்து ₌ பொதுச்சொத்து
- இரண்டாம் வேற்றுமை உருபும் பயனும் உடன்தொக்கத் தொகையில் வல்லினம் மிகும்
தண்ணீர் + குடம் ₌ தண்ணீர்க்குடம்
மலர் + கூடை ₌ மலர்க்கூடை
- மூன்றாம் வேற்றுமை உருபும் பயனும் உடன்தொக்கத் தொகையில் வல்லினம் மிகும்
மரம் + பெட்டி ₌ மரப்பெட்டி
இரும்பு + சாவி ₌ இரும்புச்சாவி
- நான்காம் வேற்றுமை உருபும் பயனும் உடன்தொக்கத் தொகையில் வல்லினம் மிகும்
சட்டை + துணி ₌ சட்டைத்துணி
குடை + கம்பி ₌ குடைக்கம்பி
- ஐந்தாம் வேற்றுமை உருபும் பயனும் உடன்தொக்கத் தொகையில் வல்லினம் மிகும்
அடுப்பு + புகை ₌ அடுப்புப்புகை
விழி + புனல் ₌ விழிப்புனல்
- உவமைத்தொகையில் வல்லினம் மிகும்
பவளம் + பற்று ₌ பவளப்பற்று
மலர் + கண் ₌ மலர்க்கண்
- ட, ற, ஒற்று இரட்டிக்கும் உயிர்தொடர், நெடி தொடர் குற்றியலுகரத்திற்குப் பின் வல்லினம் மிகும்
வயிறு + போக்கு ₌ வயிற்றுப்போக்கு(உயிர்த்தொடர்)
முரடு + காளை ₌ முரட்டுக்காளை
நாடு + பற்று ₌ நாட்டுப்பற்று (நெடில்தொடர்)
காடு + தேன் ₌ காட்டுத்தேன்
வல்லினம் மிகா இடங்கள்:
- இரண்டாம் வேற்றுமைத் தொகையில் வல்லினமிகாது
தமிழ் + கற்றார் ₌ தமிழ் கற்றார்
நீர் + குடித்தான் ₌ நீர் குடித்தான்
துணி + கட்டினான் ₌ துணி கட்டினான்
- உம்மைத் தொகையில் வல்லினம் மிகாது
தாய் + தந்தை ₌ தாய் தந்தை
இரவு + பகல் ₌ இரவு பகல்
செடி+கொடி ₌ செடி கொடி
- ஈறுகெட்ட எதிர்மறைப் பெயரெச்சம் தவிர்த்து மற்றப் பெயரெச்சங்களின் பின் வல்லினம் மிகாது
நல்ல + குழந்தை ₌ நல்ல குழந்தை
படித்த + பெண் ₌ படித்த பெண்
செய்யாத+ செயல் ₌ செய்யாத செயல்
- உயர்திணைப் பொதுப்பெயர்களின் பின் வல்லினமிகாது
தொழிலாளர் + தலைவர் ₌ தொழிலாளர் தலைவர்
மாணாக்கர் + கூடினர் ₌ மாணாக்கர் கூடினர்
தாய் + பாடினாள் ₌ தாய் பாடினாள்
- அஃறிணை வினைமுற்றின் பின் வல்லினம் மிகாது
முழங்கின + சங்குகள் ₌ முழங்கின சங்குகள்
பாடின + குயில்கள் ₌ பாடின குயில்கள்
வந்தது + கப்பல் ₌ வந்தது கப்பல்
- எட்டு, பத்து தவிர மற்ற எண்களின் பின் வல்லினம் மிகாது
ஒன்று + கொடு ₌ ஒன்று கொடு
இரு + சீர் ₌ இருசீர்
மூன்று + கிளி ₌ மூன்று கிளி
- அது, இது என்னும் சட்டகளின் பின்னும் எது? யாது? என்னும் வினாச் சொற்களின் பின்னும் வல்லினம் மிகாது.
அது + போயிற்று ₌ அது போயிற்று
இது + பறந்தது ₌ இது பறந்தது
எது + கண்டது ₌ எது கண்டது?
யாது + சொல் ₌ யாது சொல்?
- அத்தனை, இத்தனை, எத்தனை எனும் சொற்களின் பின் வல்லினம் மிகாது.
அத்தனை + பழங்களா? ₌ அத்தனை பழங்களா?
இத்தனை + பூக்களா? ₌ இத்தனை பூக்களா?
எத்தனை + தேங்காய்? ₌ எத்தனை தேங்காய்?
- வினாவை உணர்த்தும் ஆ, ஓ, ஏ, யா என்னும் வினா எழுத்துகளின் பின் வல்லினம் மிகாது
அவளா + தைத்தாள் ₌ அவளா தைத்தாள்?
இவளோ + போனாள் ₌ இவளோ போனாள்?
அவனே + செல்வான் ₌ அவனே செல்வான்?
- சில, பல என்னும் சொற்களின் பின் வல்லினம் மிகாது
பல + குடிசைகள் ₌ பல குடிசைகள்
சில + சொற்கள் ₌ சில சொற்கள்
- விளிப்பெயர் பின்னும், வியங்கோள் வினைமுற்றின் பின்னும் வல்லினம் மிகாது
கண்ணா + கேள் ₌ கண்ணாகேள்
வேலா + செல் ₌ வேலாசெல்
வாழ்க + தமிழ் ₌ வாழ்கதமிழ்
- எழுவாய்த் தொடரில் வல்லினம் மிகாது
நாய் + போனது ₌ நாய் போனது
வள்ளி + படித்தாள் ₌ வள்ளி படித்தாள்
- வினைத்தொகையில் வல்லினம் மிகாது
ஊறு + காய் ₌ ஊறுகாய்
ஆடு + கொடி ₌ ஆடு கொடி
விரி + கதிர் ₌ விரி கதிர்
- அடுக்குத் தொடரில் வல்லினம் மிகாது
தீ + தீ ₌ தீதீ
பாம்பு + பாம்பு ₌ பாம்புபாம்பு
- சில ஆறாம் வேற்றுமைத் தொகையில் வல்லினம் மிகாது
வள்ளுவர் +கருத்து ₌ வள்ளுவர் கருத்து
ஒளவை + சொல் ₌ ஒளவை சொல்
- அவை இவை என்னும் சொற்களின் பின் வரும் வல்லினம் மிகாது
அவை+போயின ₌ அவை போயின
இவை + செய்தன ₌ இவை செய்தன
- படியென்னும் சொல் வினையோடு சேர்ந்து வருமிடத்தில் வல்லினம் மிகாது
வரும்படி +கூறினான் ₌ வரும்படி கூறினான்
போகும்படி + சொன்னான் ₌ போகும்படி சொன்னான்
- இரட்டைக் கிளவியில் வல்லினம் மிகாது
கல + கல ₌ கலகல
பள + பள ₌ பளபள
- அவை, இவை என்னம் சுட்டுச் சொற்களின் பின் வல்லினம் மிகாது
அவை + சென்றன ₌ அவை சென்றன
இவை + செய்தன ₌ இவை செய்தன
- அது, இது என்னும் சுட்டுகளின் பின்வரும் வல்லினம் மிகாது
அது + பறந்தது ₌ அது பறந்தது
இது + கடித்தது ₌ இது கடித்தது
- எது, யாது என்னும் வினாச்சொற்களின் பின் வல்லினம் மிகாது
எது + பறந்தது ₌ எது பறந்தது?
யாது + தந்தார் ₌ யாது தந்தார்?
- இரண்டு வடசொற்கள் சேரும்போது வல்லினம் மிகாது
சங்கீத+ சபா ₌ சங்கீத சபா
மகாஜன + சபா ₌ மகாஜன சபா
- சில வினையெச்சத் தொடரில் வல்லினம் மிகாது
வந்து + போனான் ₌ வந்து போனான்
செய்து + கொடுத்தான் ₌ செய்து கொடுத்தான்